PERFAS sta por Performing Artists Association South Tyrol.
Nos metun adöm y rapresentun profescionisć tl ciamp dla ert rapresentativa, i
musicisć y i tecnics de döt le raiun de Südtirol.

La lia PERFAS é gnüda fondada le 1. de forá 2021 a Balsan y é metüta adöm tl
moment da n diretif de 5 porsones:

• Peter Schorn (presidënt)
• Sarah Merler (vize-presidënta)
• Felix Senoner (aministradú y portausc di musicisć)
• Eva Kuen (protausc dl’ert rapresentativa)
• Claus Stecher (protausc technics)

La crisa dl Covid.19 é stada de gran pëis sura döt le monn por düc i artisć perfomativs y ince te Südtirol él gnü dër tler, ci che möi chesc ram de laur, ci problems y ci mancianzes che al é bele da plü di te chesc ciamp.

Fora de n prozess de cambiamënt, metü a jí d’altonn dl 2020 da Manfred Schweigkofler, él nasciü n nojel de grup de iniziativa de artisć performativs, co á portè inant n proiet de rapresentanza de interesc, por cherié na lia co podess mëter adöm artisć rapresentativs, musicisć y de technics.

Nos orun promöie lianzes danter i mëmbres y danter i grups linguistics y ciarun de podei menè inant informaziuns de faziun. (newsletter, informaziuns sön les domandes de contribut, aiüt por le Covid, bandides de concurs, festivals y.i.i.)

Nos un la funziun de rapresentanza sindacala de nüsc mëmbers y se inciariun de porté inant sü interesc y sües ghiranzes.

Nos se odun sciöche portausc y punt d’incuntada con les atres istituziuns y sun tres a contat y daverc al dialog con la politica culturala.

Tres le laur publich costant, oressun alzé la visibilité di artisć performativs tla sozieté y sensibilisé la minunga publica vers les prestaziuns y i interesc culturai.

Nos sostegnun nüsc mëmbers tl pinisier imprenditorial y comerzial y daidun la internationalisaziun dles erts performatives te Südtirol.

I artisć  performativs é l’unich grup de laur profescionist te Südtirol, co â mancia na lia istitutionala. Perfas implenësc sëgn chësta mancianza y se mët dlungia les atres uniuns atuales di laurs artistics vijines: SKB (ert figurativa), SAAV (autors), FAS (produziun de films). A desfërenzia dla STV (Uniun theater de Südtirol), co rapresentëia dandatört i grups teatrai amatoriai, se odunse nos sciöche na rapresentanza individuala e profescionala di artisć performativs.

Nos sun liá sciöche partners ales lies culturales atuales y sun daverc por daurí n contat costrutiv de interrelaziun y daurida.

Nos se confortun da te tó sö sciöche mëmber, sce te laores tl ciamp dles erts performatives. Pro chëstes alda i musicisć, i technics y l’ert raprejentativa, dlungia l’ater ince tl ciamp dla ert de paladina, dl spetacul, film/tv, bal, cabaret, jüch de popes, moderaziun, voice-over/anunziadú, clownerie/circo/ert de strada, adöm ince a düc i profils profescionai sciöche: laurs de backstage, regia, coreografia, scenografia,  costüms, mascora, dramaturgia y.i.i.

Al ne cunta nia sce tö fejes tüa ativitá culturala sciöche laur prinzipal o sciöche secundo laur, o sce tö és ciamó tl laur da studié por arjunge n’ativité artistica profescionala.

Sce t’es dan da döt ativ sciöche autur/-ia, te aconsiunse da te scrí ite pro la lia di auturs y auturies de Südtirol (SAAV). Sce te fejes ince film, spo pensa sura preitambel da te scrí ite ince pro la asociaziun de film de Südtirol (FAS)

Al basta che te cliches “deventa member” y che te se menes tües informaziuns: inom y cognom, data y post de nasciüda, misciun y codesc fiscal y che te trasferësces le contribut anual de 35,00 € sön nosc cunt:

IBAN: IT30R0808111600000300022098
SWIFT/BIC: RZSBIT21003
Titolare conto: PERFAS – PERFORMING ARTISTS ASSOCIATION SOUTH TYROL
causal: “contribut 2022 (inom y cognom)”

La comembranza á impormó valüta do che la contribuziun é gnüda paiada ite. Nos aconsiun na inciaria permanënta te banca (daté ai 15 de Jené de vigni ann).

Nos ne se odun nia dciöche combatënć por usc singoles, mo sciöche n NOS ideal, fat de na rëi solidala, te chëra olache la partezipaziun ativa o manco ativa di mëmbers é begnodüda.

I vantaji de na rëi de comunanza costrutiva, de na raprejentanza sterscia co laora tres dlungia ala politica dezisionala y de na visibilité publica, é te noste mans. Sëgn él ora che i podun la anuzé düc adöm.

Por le pröm ann se unse tut dant da:

• cherié nosta strotöra por davagné de nüs members
• prejenté sön nosta plata internet nüsc members y sües ativites (laite na funziun da chirí y filtré informaziuns)
• istituí n jour fixe cun la politica culturala, por cherié n dialog stabil por nostes ghiranzes
• cherié n flus d’informaziun efiziënt danter y cun nüsc mëmbers

D’atres tematiches, sciöche laoré fora tabeles de vadagn y confins tarifars, la mioranza dla asicuraziun soziala y dles condiziuns de laur, mo ince propostes de consulënza a nüsc mëmbers, é bele programades por le dagní.

Sce te as na esigënza particolara, interesc por proieć,  o sce te oress laoré para por un di proieć che un nominé dessura, scrisse a : info@perfas.org

Chësc é grandius! Der bel dilan por to sostëgn. Nosta lia é jona y tl crësce, porchël sla confortunse de vigni euro. Na donaziun ala lia pó éster anonima o sciöche sostenidú ufizial, che vëgn spo nominé sön nosta plata internet.

Deache le statut de nosta lia scri dant, che ma i performing artists ativs profescionalmëlmenter á l’autorisaziun de lité sciöche mëmbri, ne porta la donaziun de sostëgn degöna comembranza ufiziala. Naturalmënter restunse tres en contat ví cun nüsc promoturs.

Mënesse preitambel na e-mail cun tüa proposta de sostëgn a info@perfas.org. Nos tolarun sö contat cun te tosc. Dilan!